logo L'angolo dell'ARTE Alfredo Ossino

POESIA SICILIANA

Pinseri d'amuri

poesia in dialetto siciliano
di Alfredo Ossino

Un jornu passiannu 'nta la via,
ancora malidiciu stu mumentu,
ti visti e m'innamurai di tia,
e ‘nta lu cori portu lu turmentu.

U sentimentu miu nun currispunni,
pi tia ha statu sulu nu jocu,
a testa hai nun sacciu unni,
l’ amuri miu ti pari pocu.

U cori cchiù da petra tu hai duru
e di l'amuri i peni nun capisci,
nti tia a ribummu comu ‘nta muru
e l'amarizza 'nta lu cori crisci.

Sulu a spiranza m'accumpagna,
ma passa u tempu e scurrunu li jorna
e tu, mia nun si cumpagna
e l'amuri to, nti mia nun torna.

Forsi cu lu tempu, bedda mia,
quannu tu finisci di jucari,
e ti quagghia lu sali ‘nta la testa,
‘nta li sentimenti toi poi vardari.

E su allura, ti n'adduni, di ‘na mossa,
ca l'amuri miu sempri dura,
amuri miu, veni di cussa
ca t'aspettu sempri ‘nta sti mura.

Ma pi tannu, chista è a spiranza,
ca mi susteni ‘nta ‘sti peni,
ca nun provu chiù sta suffirenza
e lu duluri miu ‘nti tia veni.

E accussi sulu poi capiri,
cu u sapi tra quant'anni,
chi sunu i peni di l'amuri,
quannu l'amuri nun t'arrispunni.

Ma su ‘nta stu cori resti prisenti
macari ca t'aspettu ‘ppi tant'anni,
su ancora ti portu ‘nta la menti,
veni ca facemu festa ranni.

Un giorno passando per la via,
ancora maledico questo momento,
ti vidi e m’innamorai di te,
e nel cuore porto il tormento.

Il mio sentimento non corrispondi,
per te è stato solo un gioco.
la testa hai non so dove,
e il mio amore ti sembra poco.

Il cuore più della pietra hai duro
e dell’amore le pene non capisci,
da te rimbalzo come in un muro
e l’amarezza nel cuore cresce.

Solo la speranza mi accompagna,
ma passa il tempo e scorrono i giorni
e tu non sei la mia compagna
ed il tuo amore da me non torna.

Forse, col tempo, bella mia,
quando finisci di giocare,
e metti giudizio,
nei tuoi sentimenti potrai guardare.

E se allora, ti accorgi, da una mossa,
che il mio amore sempre dura
amore mio, vieni di corsa
che ti aspetto sempre tra queste mura.

Ma per allora, questa è la speranza,
che mi sostiene in queste pene
è che non provi più questa sofferenza
e che il mio dolore da te viene.

E così solo, potrai capire,
chi sa, tra quanti anni,
cosa sono le pene dell’amore,
quando l’amore non ti risponde.

Ma se nel mio cuore resti presente
anche se ti aspetto per tanti anni,
se ancora ti porto nella mente,
vieni che facciamo festa grande.