logo L'angolo dell'ARTE Alfredo Ossino

POESIA SICILIANA

di Alfredo Ossino

SCUETU

INQUIETUDINE

Quannu 'nto cielu spunta a luna,
e tuttu u munnu s'arriseri,
l'omu scuntentu di la so fortuna,
s'accumpagna che so pinseri.

A vita nun è longa e finisci,
rimedi pe so mali nun trova,
u tempu ca ci resta spirisci,
longa e dura ci pari a so prova.

Nunn'è a fatica ca ci pisa 'nta li spaddi,
ma 'nta sta vita, di l'omu lu jocu.
I mani havi 'nchini di caddi
ma miserabili ci pari lu scopu.

Passa a notti suspirannu
u sonnu nun cueta li so peni
'nta la menti tuttu i mali do munnu
aspetta u jornu fina a quannu veni.

Quannu ci pigghia a dispirazioni,
a strafuttenza, ca di l'avidi è lu vantu,
prea u Signuri di dariccilla pi binidizioni,
e d'avilla comu fussi nu miricamentu.

Finalmenti u suli ricompari,
cu lu iornu ripigghia a so verra
sta cunnanna sapi ca a purtari
finu a quannu resta 'nta sta terra.

A iurnata co travagghiu scurri lesta
ma a fini, u suli ancora mori,
e quannu 'nto cuscinu poggia a testa,
u turmentu ripigghia u so cori.

Allura aspetta ancora ca veni u sonnu,
aspetta a fatica da iurnata e nun la malidici,
aspetta ca agghiorna 'nta lu munnu,
aspetta a morti ca ci porta a paci.


Quando nel cielo spunta la luna,
e si acquieta il mondo e la campagna
l'uomo scontento della sua fortuna,
con i suoi pensieri si accompagna.

La vita non è lunga e finisce,
rimedi per i suoi mali non trova,
il tempo che ci resta sparisce,
lunga e dura gli sembra la sua prova.

Non gli pesa la fatica, che sulle spalle tiene,
ma in questa vita dell'uomo, il gioco.
Le mani ha di calli piene
ma miserabile gli sembra lo scopo.

Passa la notte sospirando
il sonno non calma le sue pene
Nella mente tutti i mali del mondo
aspetta il giorno fino a quando viene.

Quando gli prende la disperazione
la strafottenza, che degli altri è il vanto
Prega il signore di dargliela come benedizione
e di averla come fosse una medicamento.

Finalmente il sole ricompare
e con il giorno riprende la sua guerra
questa condanna sa che deve portare
fino a quando resta in questa terra.

La giornata con il lavoro scorre lesta
ma alla fine, il sole di nuovo muore
e quando nel cuscino poggia la testa,
il tormento riprende il suo cuore.

Allora aspetta ancora che venga il sonno,
aspetta la fatica del giorno e non la malidice,
aspetta che nel mondo arrivi il giorno,
aspetta la morte ca ci porti la pace.