POESIE SICILIANE di Alfredo Ossino

A CIVILTÀ

Nta l'ultimi tempi, ha cangiatu u munnu,
ma nun vi spagnati, è sempri tunnu!

Sulu c'ha successu na cosa ranni,
a civiltà ha trasutu a tutti banni!

Ora, su faciti un minutu d'attenzioni,
vi spiegu comu ha successu 'sta rivoluzioni.

L'omu, ha aggiustatu, cu la so intelligenza,
chiddu, ca u Signuri aveva criatu in partenza.

Ha distruttu muntagni e foresti
pi fari stradi e caminari chiù lesti.

Ha tagghiatu arvuri pi fari carta e ligna,
h'ammazzatu animali pi la so bisogna.

I città e i fabbrichi teni puliti,
ma a lurdia unni finisci, nun vu dumannati?

'Nte ciumi i pisci acchiù nun ponu stari,
chista è a civiltà cari cumpari.

U munnu, ha persu a so biddizza
pirchì l'omu ha inchiutu di munnizza!

Cu munnizza e pitroliu ha civilizzatu puru u mari,
finalmente, nun avemu chiù nenti di fari!

Anzi, nun avemu propriu cchiù nenti
semu a postu, civili e cuntenti.

Negli ultimi tempi è cambiato il mondo,
ma non abbiate paura è sempre tondo!

Solo è successa una cosa grande
la civiltà dapertutto si espande!

Ora, se fate un poco di attenzione
vi spiego com'è successa questa rivoluzione.

L'uomo, ha aggiustato con la sua intelligenza,
quello che Dio aveva creato in partenza.

Ha distrutto e foreste e monti
per fare strade e costruire ponti.

Della natura non sente il lamento,
e ammazza gli animali per divertimento.

Le città e le fabbriche tiene pulite
ma lo sporcizia dov'è, non ve lo chiedete?

Nei fiumi i pesci ormai non possono stare,
questa è la civilta caro compare.

Il mondo ha perso la sua bellezza
perchè l'uomo l'ha riempito di monnezza.

Con rifiuti e petrolio ha civilizzato pure il mare,
finalmente, non abbiamo più niente da fare!

Anzi, non abbiamo proprio più niente
siamo a posto, civili e contenti.