POESIA SICILIANA di Alfredo Ossino

A MALATIA RARA

C'è 'na malatia tantu rara,
ca nun s'ha caputu unni para.

Però, oggi, dici la scienza,
ca si havi già 'nta la simenza.

Sta malatia, si sapi, è tantu gravi
ca rischia la morti, cu ci l'avi.

Intantu, passa a vita sulu e scunsulatu
e cu timuri di tutti è taliatu.

A genti s'arrassa e strocci a nasca,
eppuru, sta malatia nun ammisca!

Ma a cosa ca ca storia fa scintilla,
è ca tutti diciunu d'avilla!

A genti dici: "sti malati sunu da stimari!".
Ma cu cu l'avi, nun ci voli aviri a chi fari.

A vita è una battaglia pi st'infelici,
e sulu cu la morti trovunu paci.

Un malatu mi dissi: "acchiù è cosa fatta,
a ma vita cu stu munnu nun appatta".

Ora, 'nta na tomba, una scritta dici:
"malatu d'onestà campò infelici".

LA MALATTIA RARA

C'è una malattia tanto rara,
che non si è capito dove para.

Però, oggi dice la scienza,
che si ha già nella semenza.

Questa malattia, si sa, è tanto forte
che chi l'ha, rischia la morte.

Intanto, passa la vita solo e sconsolato
e con timore da tutti è guardato.

La gente storce il naso e s'allontana in fretta,
eppure, questa malattia non infetta!

Ma la cosa, che con la storia fa scintilla,
è che tutti dicono di averla!

La gente dice: "questi malati sono da stimare!".
Ma con loro, non ci vogliono avere a che fare.

La vita è una battaglia per questo infelice,
e solo con la morte trova pace.

Un malato mi disse:"ormai è cosa fatta,
la mia vita con questo mondo non fa patta".

Ora, in una tomba una scritta dice:
"malato di onestà campò infelice".