POESIA SICILIANA di Alfredo Ossino

L'ANIMALI SOCIALI

Tutti l'animali, dici la scienza,
si associanu pi la cumminienza.

A natura i patti ci fa fari
e tutti poi a na rispittari.

Ma ci ne unu, ca havi qualcosa di spiciali,
tutti diciunu ca è "sociali".

St'animali, però a ta sapiri,
è l'unicu ca s'associa pi trariri.

Si rici ca avi a cuscienza,
ma ci funziona sempri a cumminienza.

L' amicizia nun cunta pi st'armali,
eppuru, si dici ca è "sociali"!

E' l'unico ca havi intelligenza,
di l'animali, è l'unicu ca pensa!

Ma u munnu sta distrurennu alleggiu, alleggiu
e ancora a veniri u cchiù peggiu.

Ammazza e spara macari ppi nenti,
e chistu è l'animali intelligenti.